शुक्रबार, माघ २, २०७७
Friday, January 15, 2021

आज पनि नेकपा सचिवालयको बैठक बस्दै, प्रतिवेदनमाथि छलफल हुने

७ मंसिर, काठमाडौं । नेपाल कम्युनिस्ट पार्टी (नेकपा) को सचिवालय बैठक आज पनि बस्दै छ ।

प्रधानमन्त्री निवास बालुवाटारमा अपराह्न बस्ने बैठकमा तल्लो तहको पार्टी एकीकरण टुंग्याउन कार्यदलले बुझाएको प्रतिवेदनमाथि छलफल हुने छ ।

कार्यदलले हिजो बसेको सचिवालय बैठकमा आफ्नो प्रतिवेदन पेश गरेको थियो । महासचिव विष्णु पौडेल र रामबहादुर थापा रहेको कार्यदलले जिल्ला, प्रदेश र जनवर्गीय संगठनमा रहने नामको रुजु गरेको थियो ।

हिजोको बैठकमा पेस गरिएको प्रतिवेदन अध्ययन गरी आजको बैठकबाट अनुमोदन गर्ने तयारी छ । साथै, पोलिटब्यूरोमा रहने संख्या र नाम सचिवालयले टुंग्याउने छ ।

बैठकबाटै केन्द्रीय सदस्यहरुको जिम्मेवारी बाँडफाट पनि हुनेछ । सचिवालय बैठकमा स्थायी समिति बैठक बोलाउने विषयमासमेत छलफल हुने बताइएको छ ।

  •  
  •  
  •  
  •  
  •  
  •  
  •  
  •  

WRITE COMMENTS FOR THIS ARTICLE